សួស្តី!! ខ្ញុំបាទឈ្មោះ ហ៊ី សុជាតិ បច្ចុប្បន្នជានិស្សិតកំពុងបន្តសិក្សាបរិញ្ញាប័ត្រក្នុងជំនាញ ធនាគារ និងហិរញ្ញវត្ថុ។ ខ្ញុំជាអតីតជ័យលាភីសិស្សពូកែថ្នាក់ជាតិទូទាំងប្រទេសទាំងពីរលើក ផ្នែកអក្សរសាស្ត្រខ្មែរ។ ដោយសារឧបនិស្ស័យ និងចំណង់ចំណូលចិត្តលើចំណេះដឹងខាងផ្នែក វប្បធម៌ ប្រវត្តិសាស្ត្រ និងអក្សរសាស្ត្រ ទើបខ្ញុំច្រើនតែចំណាយពេលវេលារបស់ខ្ញុំសិក្សាស្រាវជ្រាវ ស្វែងយល់នូវអ្វីដែលជាសម្បត្តិដូនតាជាតិរបស់យើង។ ក្រៅពីនេះ ខ្ញុំមានទេពកោសល្យលើផ្នែកគំនូរវិចិត្រកម្ម ដែលជាសម្ពាយវេចស្ពាយមក តាំងពីកំណើត និងធ្លាប់ទទួលការបណ្ដុះបណ្តាលពីសាលាភូមិន្ទវិចិត្រសិល្បៈតាំងពីកុមារភាព។ ខ្ញុំចំណាយពេលចូលរួមជាមួយនឹង THE SEED ព្រោះខ្ញំយល់ថា ចំណេះដឹងដែលយើងមានទាំងប៉ុន្មានមិនស្ថិតស្ថេរជាប្រត្យក្សនោះឡើយ តោងមានការចែករំលែកគ្នាទៅវិញទៅមក ទើបជាអ្វីដែលមនុស្សជាតិទាំងអស់គួរតែធ្វើដើម្បី សង្គមជាតិយើងពោរពេញទៅដោយធនធានមនុស្ស និងការអភិវឌ្ឍជាភិយ្យោភាព។ ខ្ញុំជឿជាក់យ៉ាងមុតមាំថា មនុស្សម្នាក់ៗមានចំណុចលេចធ្លោ និងទេពកោសល្យខុសៗគ្នា បើយើងស្វែងយល់ពីខ្លួនឯងកាន់តែច្បាស់ ធ្វើអ្វីដែលខ្លួនឯងពេញចិត្ត ដើរតាមក្តីស្រមៃ និងមហិច្ឆតា នោះអនាគតដ៏ប្រសើរនឹងស្ថិតក្នុងកណ្តាប់ដៃអ្នកទាំងអស់គ្នា។
